Zabawy z dziećmi i wyliczanki
Smażyła mysziczka kasziczkym
Tymu dała do garnuszka
Tymu dała do kastrolka
Tymu dała na miseczkym
Tymu dała na łyżeczkym
A tego kryncziła, kryncziła, kryncziła
Aż mu główkym ukryncziła, porzucziła
i potym bierzała, bierzała, bierzała
aż sie pod pachóm schowała.
Kuju, kuju tego capka
co tam chodził na ty jabka
śkrab, śkrab, śkrab, śkrab
-
WYLICZANKI - Hana bana Czicziok; Ciupie, ciupie sikiereczka, An-tan-ty-ki, dwa szpyndliki i Nasz Pan Fabian.
Hana bana fuk do siana
wystarszyła fajermana
fajerman sie zlónk
na kolana klónk
Roz, dwa, trzy
Mosz go Ty !
Ciupie, ciupie sikiereczka
aż naciupie szesnoście
gdo nie wierzy niech to zmierzy
że tego je szesnoście.
An-tan-ty-ki, dwa szpyndliki
cukier, babka, fryc
kroła baba szpyrkym
nakroła ji moc
z tebie taki mały sroć.
Nasz Pan Fabian
pasie kónie na wygónie
złotym biciym pośmiguje
figiel migiel wytnij palec
ty zajónczku idź na dalec
a ty panie poć sym.
